>> تعال عاتبني ليا صرت مجروح

فلّيت صوتي وابحر الصوت مبحوح ** شِعري رياح وموج واسماعك الجال

أرخ المسامع للندا واسمع البوح ** ما كل ما يطري على البال ينقال

يا صاحبي يا اقرب من الروح للروح ** وشلون تتركني كذا ضايق البال

تطرب هواجيسي وانا اجض وانوح ** ما كني إلا للهواجيس طبّال

تعال عاتبني ليا صرت مجروح ** بيض النوايا مثلها مثل الأطفال

تعال ما لك من تغلّيك مصلوح ** قيظ الجفا ما فيه للعاشق ظلال

لا تمنع عيونك عن الدمع وتشوح ** ما للندا في محجر الورد مقيال

لا تغضي عيونك مشاريه وتروح ** شرهتك ماهي شرهة شماغ وعقال

شرهتك تحبسها ورا الصمت ويبوح ** دمع ٍ كحل عينك تكبّر ولا سال

وسلامتكم