[
- center]قصيدة / جتني رسالة
لكنها رسالة من نوع آخر ..
رسالة مبكية .. ادمت القلوب قبل المُقل
للشاعر / حمود الشمري
جتني رسالة من صدى خافق الـروح
وقريتها بإحساس قلبـي وروحـي
قريتها وانهدّت قصـور وصـــــــروح
وأنا من أول عالياتـن صروحــــي
تشكي تقول القلب يا حمود مجروح
ا تدري اني غايراتـن جروحـــــــي
تهلّ دمع وترفع الصـوت بالنـــــوح
واللـي فقـد غاليـه لازم ينوحـــــــــي
ما كلّمتني يمكن الصـوت مبحـوح
من النوح وإلا ما استطاعت تبوحـــي
جتني رسالتها بها دموع وجـروح
وانهَد باسباب الرسالـة طموحـي
تقول ياحمود الزمن صار مفضـوح
والشيب فيني لو تشوفـه يلوحـي
يا بو علي مالي بالأغراب مصلوح
مادام قلب اللـي نحبـه شحوحـي
ودّي بشوفك دام الأعمار بفسـوح
قبل الرحم يا خوي منـا يروحـي
زلّ الزمان اللي به أفراح ومـزوح
أنخـاك تكفـى لا تظنّـه مزوحـي
وبعد الرسالة صار بالقلب ذابـوح
طار المنام وصار فكـري يشوحـي
أختي رسالتها لها القلـب مفتـوح
كلّي لها والقلب ينصـت ويوحـي
أقولها ودموع عينـي لهـا فـوح
وسط المحاجر دمع عيني يفوحـي
أجاوب الورقا على عالـي الـدّوح
وأنوح من فرقا الرفيق السموحـي
والله لو إني وسط الأطباق مذبـوح
لأظهر كما خطو الحصان الجموحي
وأقول يا عين المها ما بها شروح
لو تطلبين الروح تفـداك روحـي[/center]
