بنت الاجواد

يارافع ٍ سبع ٍ بلا ساس واعماد
بك نتكل بكل ساعه وليله
حتى الفلك يجري بوقت ٍ وميعاد
سبحان من ينشي السحاب الثقيله
ويغيث الارض بقدرته كيف ماراد
يحي جداب الارض لو هي محيله
وانزل كتاب ٍ للملا وأمة الضاد
به يهتدي من كان يرجي الفضيله
واليوم بكتب شعر في بنت الاجواد
واختار نظم القاف لي هي جزيله
بنت الكرم من نسل اخوال وجداد
إللي لهم تاريخ ماشي مثيله
تعرف مواجيب القدر بنت الامجاد
ودرب الوفاوالخير تعرف سبيله
هذي حقايق قلتها بروس الاشهاد
والطيب بين الناس خصله جميله
للاهل الوفا يمشي خفوقي وينقاد
وللمعرفه نطوي دروب ٍ طويله
سقت القدم للاهل الوفاطيب وعناد
بسري مع الهاجس وفكري دليله
ماقول قولي بدس واشعاري بلاد
ياكم عاشت تحت حرفي قبيله
وقصيدتي في بنت الاجواد بوكاد
من إسمها صارت حروفي جزيله

والسموحه

الله يسلمك ويبقيك يا ابن الاصايل صح البدنك يا الغالي