ابعلنها حداد اليوم وبدفن فـي حشـاك ثنيـن
عذاب القلب من بعدك .. وهمٍ دايـم اشقابـه
حداد فيـه لهمومـي زوال بشوفـة الغاليـن
ووصل ذاب قلبي في رجـاه وتعبـت ركابـه
بعد ماطاب لي وصلك وجا للشعر ذوق وحين
ابمشي في بساتينـه وبقطـف عـذب عنابـه
وبهديك القصايد من ضميـر ذاق مـر البيـن
بعقد من الفرايـد لاجـل يزهابـك وتزهابـه
اصوغ الشعر بغوي به فؤادك ياكحيل العيـن
ابي تتبع خطا الشاعر وتعرف كـل ماصابـه
وانا القي لك واسمعك القصايد شفت سر الزين
وشفت رموشك الذبله على وجنتـك منسابـه
غوا قلبي من عيونك وصرت العاشق المسكين
يبي يرضيك بالغالي ولو يدفـع مـن حسابـه
اوفي دين واخذ دين وانت اللي تعرف الديـن
وصالك يوفي ديون الغـرام وبعـدك اسبابـه
اخذ حقك وعطني حق حبـي مابهـا بعديـن
ابي وصلك وانا لجلك ادوس الموت ما اهابـه
كلمـــــات الشاعر:عبدالله العصيمي
العقل ذكر
والعاطفه انثى
والرجال قوامون على النساء
لذلك يجب على العقل
ان يقود العاطفه
